आगम - द कॉलेज ऑफ अप्लाईड आर्ट

आजच्या काळात शिक्षण म्हणजे केवळ पदवी किंवा नोकरीची तयारी इतक्यावर मर्यादित राहू नये, असा माझा ठाम विश्वास आहे. शिक्षणाने माणूस घडला पाहिजे. त्याची संवेदना, विचारशक्ती आणि जीवनाकडे पाहण्याची दृष्टी विकसित झाली पाहिजे. कला म्हणजे केवळ हाती असणारे कौशल्य नाही; तर ती मन आणि समाजाशी संवाद साधण्याची भाषा आहे. कलाकार फक्त डिझाईन तयार करत नाही, तर तो संस्कृती, विचार आणि मूल्ये घडवत असतो. गेल्या १५ वर्षांपासून कला शिक्षण, अभ्यास आणि प्रत्यक्ष अध्यापन क्षेत्रात कार्य करताना विद्यार्थ्यांच्या जडणघडणीतील या गरजा जवळून अनुभवता आल्या. त्या अनुभवातूनच आगम - द कॉलेज ऑफ अप्लाईड आर्टची संकल्पना आकाराला आली आणि ही संस्था उभी राहिली. आगमची स्थापना करताना आमचा उद्देश एकच होता कि, विद्यार्थ्यांना माहिती नव्हे, तर अनुभव द्यायचा; स्पर्धा नव्हे, तर सर्जनशीलता द्यायची; आणि करिअरसोबतच व्यक्तिमत्व ही घडवायचे. प्राचीन भारतीय गुरुकुल परंपरा आणि आधुनिक डिझाईन शिक्षण यांचा संगम साधत आम्ही असे कलाकार घडवू इच्छितो. कलाकार कौशल्यवान तर असतीलच, पण त्याहून महत्त्वाचे म्हणजे संवेदनशील आणि जबाबदार नागरिक असतील.

– प्रा. संदेश पालये
संस्थापक व संचालक